з'ехаць
тлумачэнне слова:
з'ехаць, з'еду, з'едзеш з'едзе; закончанае трыванне 1. Едучы, спусціцца адкуль-н. З'ехаць з гары на санках. ▪ З гары аж да моста з'ехалі лёгка і нячутна. Пташнікаў. // Саслізнуць, ссунуцца ўніз. [Ірынка] ўжо некалькі разоў з'ехала па лесвічных парэнчах, і ўсё было добра. Арабей. 2. Едучы, павярнуць куды-н. З'ехаць з дарогі. ▪ Машына з'ехала ўбок і перавярнулася пад адкос. Чорны. 3. Выехаць, паехаць адкуль-н. (звычайна далёка або надоўга). Сама Галя ніяк не магла заснуць. Думала: а чаму б ім сапраўды не з'ехаць туды, дзе іх ніхто не ведае, з'ехаць ад гэтай паняверкі, ад косых позіркаў. Сабаленка. [Мая] сабралася і пайшла да сваіх сябровак, але з палавіны дарогі вырашыла вярнуцца, забраць небагатыя рэчы і з'ехаць куды-небудзь. Дуброўскі. 4. Ссунуцца са свайго месца; збіцца, спаўзці. Шапка з'ехала на патыліцу. ▪ Белая хустка, завязаная пад барадой, з'ехала на шыю. Васілевіч. // Асунуцца, апусціцца ўніз. Грузным мяшком бандыт з'ехаў пад абгарэлы пянёк, адну руку падкурчыўшы пад сябе, а другой хапаючыся за прыламаныя галінкі. Кірэенка. [Зося] хацела апусціцца на лаву, страціўшы яснасць думак — што рабіць, і з'ехала на зямлю. Чорны. 5. пераноснае значэнне размоўнае слова Непрыкметна, паступова перайсці на другую тэму, тон і пад. (у гутарцы, пісьме і пад.). Але пан Богут з'ехаў з тону І ўжо гаворыць чуць мякчэй. Колас. 6. каго або каму. грубае слова, грубы выраз Моцна, з размаху ўдарыць. Лезе пан да Бандароўны, Ўвесь гарыць, бы ў жары: Тая, жартаў не пазнаўшы, З'ехала па твары. Купала. 7. размоўнае слова Пахудзець. З'ехаць на шыла. З нар. // Спасці, знікнуць (пра тлустасць). Як цяжка папрацаваў, дык сала з яго і з'ехала. ••• З глузду з'ехаць — страціць розум, развагу; адурэць, звар'яцець.
Русско-белорусский словарь «Скарнік» | слов в базе: 107141
А Б В Г Д Е Ё Ж З И Й К Л М Н О П Р С Т У Ф Х Ц Ч Ш Щ Э Ю Я
Белорусско-русский словарь «Скарнік» | слов в базе: 112462
А Б В Г Д Е Ё Ж З І Й К Л М Н О П Р С Т У Ф Х Ц Ч Ш Э Ю Я
Тлумачальны слоўнік беларускай мовы | слоў у базе: 96698
А Б В Г Д Е Ё Ж З І Й К Л М Н О П Р С Т У Ф Х Ц Ч Ш Э Ю Я
el-skrynka: lit.serge2@gmail.com