пахнуць
тлумачэнне слова:
пахнуць, -ну, -неш, -не; незакончанае трыванне 1. чым і без дапаўнення Вылучаць, распаўсюджваць які-н. пах. Асабліва здорава, зусім па-хатняму, пахла ў зямлянцы цыбуля. Брыль. Рукі пахнуць зярнятамі, Што высяваў, Ці снапамі, нажатымі У часе жніва. Арочка. Пасля летняга цёплага дажджу каралінская вуліца пахне кветкамі і духмянай мятай. Сабаленка. / у безасабовая форма ужываецца, ужыванне У хаце прыемна пахла цёплым хлебам і напаленай печкай. Мележ. У паветры пахла сенам, грыбамі. С. Александровіч. 2. пераноснае значэнне; чым. размоўнае слова Мець прыкметы або рысы чаго-н. [Багуцкі:] — Я даўно заўважыў яго злачынную работу, якая пахла нічым іншым, як звычайнай дыверсіяй. Лынькоў. / у безасабовая форма ужываецца, ужыванне Раптам .. [Міхал Тварыцкі] убачыў грошы. Гэта быў ужо не трохсотрублёвы пачак. Тут пахла ўжо не сотнямі, а тысячамі. Чорны. 3. пераноснае значэнне; чым. размоўнае слова Сведчыць пра набліжэнне чаго-н., магчымасць чаго-н. — Вы ведаеце, што гэта пахне выключэннем, мой юны сябра? — сказаў Гедымін. Караткевіч. — Вось што, сынок, — Еўдакім узяў Юрку за плячо. — Бяжы да старшыні, скажы, што госці завіталі. А я сачыць за імі буду. Тут нечым нядобрым пахне... Курто. / у безасабовая форма ужываецца, ужыванне З дахаў звісаюць доўгія ледзя[ш]ы капяжу. Пахне вясной. Асіпенка. ••• Грошы не пахнуць глядзі грошы. Зямлёю пахнуць — быць блізкім да смерці (пра вельмі хворага, пра зусім старога чалавека). І не пахне чым-н. — няма і не прадугледжваецца з'яўлення, наступлення чаго-н. Порахам пахне — пагражае вайна.
Русско-белорусский словарь «Скарнік» | слов в базе: 107141
А Б В Г Д Е Ё Ж З И Й К Л М Н О П Р С Т У Ф Х Ц Ч Ш Щ Э Ю Я
Белорусско-русский словарь «Скарнік» | слов в базе: 112462
А Б В Г Д Е Ё Ж З І Й К Л М Н О П Р С Т У Ф Х Ц Ч Ш Э Ю Я
Тлумачальны слоўнік беларускай мовы | слоў у базе: 96698
А Б В Г Д Е Ё Ж З І Й К Л М Н О П Р С Т У Ф Х Ц Ч Ш Э Ю Я
el-skrynka: lit.serge2@gmail.com