тлумачэнне слова:
строіць1, строю, строіш, строіць; загадны лад строй; незакончанае трыванне 1. што. размоўнае слова Рабіць, майстраваць. Хто цягнуў з лесу жэрдзе для стаўбоў, хто ўвіхаўся з сухастоінаю — ялінаю, апрацоўваючы яе на рубель, хто строіў кассё, хто майстраваў да парога ці да калодкі бабку. Гартны. 2. што. У думках ствараць, намячаць, накідваць (планы, здагадкі і пад.). Каля Гнілога балота пастануць часамі дзядзькі, глядзяць, мяркуюць, праекты строяць. Колас. Вечарамі іншы раз, сабраўшыся сям'ёй за чаем,.. [Кудзіны] строілі планы на будучае, і ў гэтых планах цэнтральнае месца належала ёй, Марынцы. Хадкевіч. / у паэтычнае слова ужываецца, ужыванне Да працы ўсе, хто чуе сілу, Пад сцяг Чырвоны, Вольны сцяг! Капайце ворагам магілу, К Камуне стройце вольны шлях. Чарот. // Ладзіць, рабіць (прычоску). Марыйка ўзнімае галаву, падхоплівае рассыпаныя па плячах кучаравыя валасы, падыходзіць да люстэрка і пачынае строіць мудрагелістую прычоску. Ус. 3. што. размоўнае слова У спалучэнні з некаторымі назоўнікамі ўтварае спалучэнне са значэннем дзеяння ў залежнасці ад сэнсу назоўніка. І .. [бродаўцы] ўсе ў адзін мах: — Яўгена!!! — Не трэба хітрыкаў строіць. Баранавых. Над ёю [Марысяй] схілілася і строіла вясёлыя грымасы Ліпа. Хомчанка. 4. каго-што. Ставіць у строй (у 1 знач.). Строіць полк. ••• Смешкі строіць — насміхацца, смяяцца з каго-н. Строіць вочкі каму — какетліва паглядваць на каго-н. Строіць дурня — прыкідвацца дурнем. Строіць дурня з каго — выстаўляць каго-н. дурнем. Строіць жарты (жарцікі) — жартаваць з каго-н., насміхацца над кім-н. Строіць з сябе каго — прыкідвацца кім-н., імкнуцца выдаць сябе за каго-н., кім-н. Строіць камедыю — тое, што і ламаць камедыю (глядзі ламаць). Строіць кепікі (кпіны) — смяяцца, пакепліваць з каго. Строіць міну — тое, што і рабіць міну (глядзі рабіць). строіць2, строю, строіш, строіць; закончанае трыванне, каго-што. Зрабіць трайным, размясціць, злучыць па тры, у тры разы, у тры столкі. Строіць рады. Строіць ніці. ▪ [Бадзягін:] — Заўтра ўсе як адзін павінны выйсці на ўборку. Здвоіць, строіць коней і працаваць на жняярках. Федасеенка.
Русско-белорусский словарь «Скарнік» | слов в базе: 107141
А Б В Г Д Е Ё Ж З И Й К Л М Н О П Р С Т У Ф Х Ц Ч Ш Щ Э Ю Я
Белорусско-русский словарь «Скарнік» | слов в базе: 112462
А Б В Г Д Е Ё Ж З І Й К Л М Н О П Р С Т У Ф Х Ц Ч Ш Э Ю Я
Тлумачальны слоўнік беларускай мовы | слоў у базе: 96698
А Б В Г Д Е Ё Ж З І Й К Л М Н О П Р С Т У Ф Х Ц Ч Ш Э Ю Я
el-skrynka: lit.serge2@gmail.com