глыбіня

тлумачэнне слова:

  глыбіня, -і; множны лік глыбіні, -бінь; жаночы род
    1. Адлегласць ад паверхні чаго-н. да дна. Глыбіня рэчкі. Вымераць марскія глыбіні. ▪ Па барознах шэрых Раённы аграном ідзе, Каб глыбіню раллі праверыць. Танк.
    2. Месца, значна аддаленае ад паверхні чаго-н. Ззяюць, граюць рыбкі У сіняй глыбіні. Бядуля.
    3. чаго. Месца, прастора, аддаленая ад граніц чаго-н. або размешчаная ўнутры, усярэдзіне чаго-н. Лясніцкі і Прыборны прабіраліся па вузкай сцежцы ў глыбіню лесу. Шамякін. // пераноснае значэнне Унутраная вобласць чаго-н.; тое, у чым змяшчаецца аснова, сутнасць чаго-н. Творчасць пісьменніка бярэ пачатак з глыбінь народнага жыцця. // пераноснае значэнне Пра далёкае мінулае. Адплываюць бурна вёсны, леты у нямую глыбіню вякоў. Смагаровіч.
    4. толькі адзіночны лік Змястоўнасць, важнасць. Глыбіня пачуцця. ▪ У кожнай песні свае тоны І свой адбітак глыбіні. Колас. // Ступень ахопу чаго-н. Глыбіня крызісу.
    •••
    Да глыбіні душы (сэрца) — вельмі моцна (крануць, уразіць і пад.).
    У глыбіні душы (сэрца) — пра пачуцці, перажыванні чалавека, скрытыя ад іншых людзей.



 

Русско-белорусский словарь «Скарнік» | слов в базе: 107141

     А Б В Г Д Е Ё Ж З И Й К Л М Н О П Р С Т У Ф Х Ц Ч Ш Щ Э Ю Я

Белорусско-русский словарь «Скарнік» | слов в базе: 112462

     А Б В Г Д Е Ё Ж З І Й К Л М Н О П Р С Т У Ф Х Ц Ч Ш Э Ю Я

Тлумачальны слоўнік беларускай мовы | слоў у базе: 96698

     А Б В Г Д Е Ё Ж З І Й К Л М Н О П Р С Т У Ф Х Ц Ч Ш Э Ю Я


el-skrynka: lit.serge2@gmail.com    оцифровка видеокассет


twitter.com/skarnikby твітніца

Юленька вельмі хацела першага верасня званіць у званочак, але яе не ўзялі: ці то таму што яна тоўсценькая, ці то таму што ёй 42.