корпус
тлумачэнне слова:
корпус, -а; множны лік корпусы, -аў і карпусы (з лічэбнік 2, 3, 4 корпусы), карпусоў; мужчынскі род 1. (множны лік корпусы, -аў). Тулава чалавека або жывёліны. Валерый павярнуўся ўсім корпусам да Аляксея.. і кіўнуў галавой. Даніленка. 2. (множны лік карпусы, -оў). Аснова, каркас механізмаў, апаратаў, прыбораў і пад. Гадзіннікавы корпус. Корпус апарата. Корпус гранаты. 3. (множны лік карпусы, -оў). Каркас судна з усёй знешняй абшыўкай. Буксір ужо стаяў каля берага адзін, без баржаў, і яго корпус адлюстроўваўся ў ціхай вечаровай вадзе вялізнай чорнай плямай. Краўчанка. 4. (множны лік карпусы, -оў). Асобны будынак на агульнай пляцоўцы. І вось завод з яго карпусамі — галоўным, вапнавым, механічным, са складамі гатовай прадукцыі. Скрыган. // Ізаляваная частка вялікага будынка. Левы корпус. 5. (множны лік карпусы, -оў). Вайсковае злучэнне, якое складаецца з некалькіх дывізій. Гвардзейскі корпус. Стралковы корпус. Камандаваць корпусам. 6. (множны лік карпусы, -оў). Аб'яднанне войск спецыяльнага прызначэння ў дарэвалюцыйнай Расіі. Корпус жандараў. 7. (множны лік карпусы, -оў). Некаторыя сярэднія ваенна-навучальныя ўстановы ў дарэвалюцыйнай Расіі. Марскі корпус. 8. (множны лік карпусы, -оў). Сукупнасць асоб адной прафесіі, якога-н. аднаго афіцыйнага або службовага становішча. Дыпламатычны корпус. Афіцэрскі корпус. 9. Назва аднаго з размераў друкарскага шрыфту. ••• Кадэцкі корпус — закрытая сярэдняя ваенна-навучальная ўстанова ў дарэвалюцыйнай Расіі для падрыхтоўкі сыноў дваран да афіцэрскай службы. Пажскі корпус — сярэдняя ваенная навучальная ўстанова ў дарэвалюцыйнай Расіі для сыноў вышэйшых саноўнікаў і генералаў (першапачаткова для падрыхтоўкі пажаў). [Ад лац. corpus — цела.]
Русско-белорусский словарь «Скарнік» | слов в базе: 107141
А Б В Г Д Е Ё Ж З И Й К Л М Н О П Р С Т У Ф Х Ц Ч Ш Щ Э Ю Я
Белорусско-русский словарь «Скарнік» | слов в базе: 112462
А Б В Г Д Е Ё Ж З І Й К Л М Н О П Р С Т У Ф Х Ц Ч Ш Э Ю Я
Тлумачальны слоўнік беларускай мовы | слоў у базе: 96698
А Б В Г Д Е Ё Ж З І Й К Л М Н О П Р С Т У Ф Х Ц Ч Ш Э Ю Я
el-skrynka: lit.serge2@gmail.com