хіліць

тлумачэнне слова:

  хіліць, хілю, хіліш, хіліць; незакончанае трыванне
    1. што. Нагінаць верхнюю частку чаго-н.; надаваць чаму-н. нахіленае становішча; нахіляць. Ой ты, вецер, сціхні, не шумі! Не хілі былінку ніцма-ніц, Дай паслухаць вольны спеў крыніц. Пушча. Не хіліць вецер куст ракіты, Не свішча сумна, як удзень... На гай, на поле і на хаты Спаўзае ночы лёгкі цень. Чарот. Ты бачыў, як шугае бура, А дуб не хіліць галавы, Стаіць крапак сярод суседзяў, Як непахісны вартавы. Прануза. Ніжай і ніжай хіліла сваю галаву, Зачараваную музыкай колаў, Марына. Куляшоў. / у безасабовая форма ужываецца, ужыванне Цемень у .. вачах [Кастуся] кружылася, і ўсяго яго хіліла на левы бок. Чорны.
    2. што. спецыяльны тэрмін Нахіляць набок (самалёт, судна і пад.). Вецер хіліць лодку.
    3. каго-што. Ахопліваць, адольваць каго-н. (пра сон, дрымоту). Станіслава хіліць сон, але спаць нельга, заснеш — загінеш. Мікуліч. / у безасабовая форма ужываецца, ужыванне Міканора і самога хіліла на дрымоту. Мележ. Стомленасць і ціхі шэпт хвой хіліў да сну, але партызаны сіліліся перамагчы дрымоту. Шчарбатаў.
    4. пераноснае значэнне; на што. Хіліцца, набліжацца да чаго-н. Лета хіліць на спад. Навуменка. / у безасабовая форма ужываецца, ужыванне Паколькі хіліла на вечар, Парфен налягаў з усіх сіл, каб паспець звеяць першую гару намалочанага. Кавалёў.
    5. пераноснае значэнне; што і без дапаўнення Накіроўваць да чаго-н. (думку, справу і пад.). — Дакуль вам жыць пры сястры, — здагадаўся аграном, куды хіліць гаворку хлопец. Пальчэўскі. Я ўважліва слухаў старога, браў у рукі рэчы і не разумеў, да чаго ён хіліць. Хомчанка.
    6. пераноснае значэнне; каго да каго-чаго. Прыцягваць, прывабліваць сабой каго-н. Магчыма, мае значэнне і тое, што ў памяці нашай Касач звязаны шмат з чым, што не надта хіліць да вясёлай балбатні. Адамовіч. // безасабовая форма Гарнуць, цягнуць да каго-, чаго-н. Яго хіліць да кніжак. ▪ Тая акалічнасць, што гэты незнаёмы чалавек цікавіцца настаўнікам, хіліла дзяцей да Нявіднага. Колас.
    •••
    Куды вецер хіліць глядзі вецер.



 

Русско-белорусский словарь «Скарнік» | слов в базе: 107141

     А Б В Г Д Е Ё Ж З И Й К Л М Н О П Р С Т У Ф Х Ц Ч Ш Щ Э Ю Я

Белорусско-русский словарь «Скарнік» | слов в базе: 112462

     А Б В Г Д Е Ё Ж З І Й К Л М Н О П Р С Т У Ф Х Ц Ч Ш Э Ю Я

Тлумачальны слоўнік беларускай мовы | слоў у базе: 96698

     А Б В Г Д Е Ё Ж З І Й К Л М Н О П Р С Т У Ф Х Ц Ч Ш Э Ю Я


el-skrynka: lit.serge2@gmail.com    оцифровка видеокассет


twitter.com/skarnikby твітніца

Кажуць, што калі доўга не з'яўляцца ў сетцы, людзі пачынаюць думаць, што ў цябе ёсць асабістае жыццё. Чуткі.